SRee KR^shNa ParamAtmanE nama: SRee ParamESvara Bhakta-KavayE nama: ശ്രീമഹാഭാഗവതം ദശമം കേരളഭാഷാഗാനം — അദ്ധ്യായം — 14 Lines 103 - 136 " അന്പാടിതന്നിലുള്ള ജീവജന്തുക്കൾക്കെല്ലാം വന്പിച്ച മഹാഭാഗ്യം ഉണ്ടെന്നേ പറയാവൂ. നിത്യമായ് പ്പൂർണ്ണാനന്ദമാകിയ പരബ്രഹ്മം അത്യന്തമിത്രമായി വന്നതു മറ്റാർക്കുള്ളൂ ? പാരതിലുള്ള പല ബാലകന്മാരെക്കൊന്നു പാരാതെതന്നേ വധിച്ചീടുവാനായി വന്ന ദുഷ്ടയാം പൂതനയ് ക്കു തൽക്കുലത്തോടുകൂടി പെട്ടെന്നു ഭവൽപ്പദം കൊടുത്തു ഭവാൻ മുന്നം. 110 സർവദാ ഭവൽപ്പാദസേവയും ചെയ് തുകൊണ്ടു സർവവും ഉപേക്ഷിച്ചു ഭക്തിയോടനുദിനം അന്തികേ വസിയ് ക്കുന്ന ഗോവ്രജനിവാസികൾ-- ക്കെന്തിനികൊടുക്കുന്നതെന്നതു തോന്നീലേതും. മീനകൂർമ്മാദികളായോരോരോ യുഗങ്ങളിൽ മാനസേ കരുണയാ വന്നവതാരം ചെയ് തു ഓരോരോ ദൈത്യന്മാരെ വധിച്ചു ജഗത്രയം പാരാതെ രക്ഷചെയ് തു കൊണ്ടൊരു ഭവാൻതന്നെ ഇന്നുള്ള ദൈത്യന്മാരാം കംസാദികളെക്കൊന്നു തന്നുടെ ഭക്തന്മാരെപ്പാലനം ചെയ്തീടുവാൻ 120 വൃഷ്ണിവംശത്തിൽവന്നു ശേഷനോടൊരുമിച്ചു കൃഷ്ണനായ് പ്പിറന്നോരു നിനക്കു നമസ്കാരം. രാജസസ്വഭാവനാം ഞാനി